ԿԻԼԻԿԻԱ – Համաձայն լիբանանԵան «Ալ-Մասդար ՆԻւզ» -ի, Թունուզը թոյլ պիտի չտայ, որ Թիւրքիան օգտագործէ իր տարածքը Լիբիոյ մէջ գործունէութիւն կատարելու համար:

Թունուզի նախագահութեան խօսնակ Ռաշիդա Աննէֆերը հաստատեց, որ իր երկիրը «կտրականապէս» կը հրաժարի իր տարածքի օգտագործումէն Լիբիական հակամարտութեան մէջ:

«Թունուզը կտրականապէս կը մերժէ որեւէ արտաքին միջամտութիւն Լիբիայէն ներս, ներառեալ թրքական միջամտութիւնը: Սա ի սկզբանէ եղած է Թունուզի հիմնական դիրքորոշումը: Այս ընթացը չէ փոխուած եւ պիտի չփոխուի», – նշեր է ան:

«Թունուզը թոյլ պիտի չտայ, որ Անկարան օգտագործէ իր տարածքը, իսկ Թունուզի նախագահ Կայս Սայէդի պատասխանը յստակ էր այս խնդրին վերաբերեալ՝ Թիւրքիոյ իր պաշտօնակից Ռեջեպ Թայիպ Էրդողանին», նշեր է Ռաշիդա Աննէֆերը:

Ան աւելցուցեր է, որ «Թունուզի հողի որեւէ մէկ թիզի ինքնիշխանութիւնը ենթակայ չէ բանակցութիւններու», նշելով, որ Բեռլինի խորհրդաժողովին դեռ խորհրդատւութիւններ կ՛ընթանան Թունուզի հնարաւոր մասնակցութեան վերաբերեալ՝ Լիբիոյ հարցով:

Յունուարի 6-ին, Թիւրքիոյ արտգործնախարար Մեւլուտ Չաւուշօղլուն յայտարարեր էր, որ Թիւրքիան «ռազմական փորձագէտներ եւ տեքնիկ սարքաւորումներ» պիտի ուղարկէ՝ աջակցելու համար Լիբիոյ միջազգայնօրէն ճանչցուած կառավարութեան: