Բեռլինի մէջ հաստատուած գիտնականներ Վահէ Թաչջանը եւ Էլկէ Հարթմանը յանձն առեր են մէկ տեղ հաւաքել Հայոց դէմ կատարուած ցեղասպանութեան տարիներէն եւ անկէ առաջ պահպանուած հայերուն առնչուող բոլոր իրերու եւ փաստաթուղթերու մասին տեղեկութիւնները: Ամուսիններու այս կարեւոր գործը չէ վրիպած հեղինակաւոր «Los Angeles Times»-ի ուշադրութենէն:

Այդ իրերու շարքին կը պատկանին տեղական գիւղերու ձեռագիր հաշիւներ, արտերկրի մէջ գտնուող ընտանիքի անդամներուն ուղարկուած լուսանկարներ, խաչազարդեր, ասեղնագործուած հագուստ, թաշկինակով կապած բուռ մը հող եւ տարբեր այլ առարկաներ:

«Los Angeles Times»-ը ներկայացուցեր է այդ մարդկանց իրերն ու փաստաթուղթերը՝ որոնք ներկայացուեր են այդ աշխատասրահին մէջ: Օրինակ կին մը՝ Վիքի Խաչատուրեանը, ցոյց տուեր է արծաթեայ իրեր եւ գործուած գորգ մը, որ անոր տատիկը Կոստանդնուպոլիսէն բերեր է յունական Կեֆալոնիա կղզի: Անոնք եղած են իր տատիկի ամուսնութեան օժիտի պարագաները: