Աշխատանքային այցով Զուիցերիոյ Համադաշնութիւն մեկնած Հայաստանի Հանրապետութեան նախագահ Արմէն Սարգսեանը Ցյուրիխի մէջ աշխատանքային ճաշի շուրջ հանդիպում ունեցեր է Զուիցերիա-Հայաստան առեւտուրի պալատի անդամներուն եւ Զուիցերիացի եւ Զուիցերիահայ գործարարներու հետ:

Զուիցերիա-Հայաստան առեւտրա-արդիւնաբերական պալատի նախագահ Մայք Պարոնեանը շնորհաւորեր է Հայաստանի նախագահին եւ ժողովուրդին՝ 2019 թուականի յաջողութիւններուն համար, եւ նշեր է, որ նախագահ Սարգսեանի ներկայութիւնը այդ միջոցառման մեծ նշանակութիւն ունի համայնքի եւ առեւտուրի պալատի անդամներուն համար:

Դիմելով մեր հայրենակիցներուն՝ նախագահ Սարգսեանը մասնաւորապէս ըսեր է․ «Հայաստանը իւրաքանչիւրիս տունն է։  Ինչպէս Ուիլիամ Սարոյեանը ըսեր է, ձեր սիրտը լեռներում է, Հայրենիքի մէջ: Դուք այս երկրի լաւ քաղաքացիներն էք, եւ ես համոզուած եմ, որ դուք նաեւ Հայաստանի լաւ քաղաքացիները կ՛ըլլաք»: