Երեկ գիշեր 3 հրթիռ ինկեր է Բաղդադի «կանաչ գօտի»-ին շուրջ՝ ԱՄՆ-ի դեսպանատան հարեւանութեամբ։

Ասոր մասին «ՌԻԱ Նովոստի»-ին յայտներ է Իրաքեան անվտանգութեան գործակալութեան աղբիւրը:

Հրթիռակոծութենէն տուժածներ չեն եղած:

Սա Իրաքէն ներս Ամերիկեան թիրախներու առաջին հրետակոծումը չէ: Մասնաւորապէս, Յունուարի 14-ին Բաղդադի հիւսիսին գտնուող Ալ-Թաջիի ռազմախարիսխին հրթիռային հարուած հասցուեր էր, ուր տեղակայուած է ԱՄՆ-ի զօրախումբը: Երկու օր առաջ հարուածներ հասցուեցան Բալադի ռազմախարիսխին, ուր նաեւ Ամերիկեան զօրախումբ կայ: Հրետակոծութենէն տուժածներ չեն եղած:

Յիշեցնենք, որ իրավիճակը լարուեցաւ, երբ ԱՄՆ-ի ուժերուն կողմէ սպաննուեցաւ Իրանցի զօրավար Ղասէմ Սոլէյմանին, ինչին ի պատասխան Իրանը հրթիռակոծեց Բաղդադի ամերիկեան ռազմախարիսխները։