ԱՄՆ-ի նախագահ Դոնալդ Թրամփը մտադիր է վետօ դնելու Իրանի հետ ռազմական գործողութիւններու սահմանափակման հարցով Կոնգրեսի հնարաւոր որոշման վրայ: Ասոր մասին զգուշացուցեր է Սպիտակ տունը:

Ներկայացուցիչներու պալատը մտադիր է այս շաբաթ քուեարկելու 2 հնարաւոր օրինագիծերու հարցը: Անոնցմէ մէկը կ՛արգելափակէ առանց Կոնգրեսի թոյլտւութեան Իրանի հետ ռազմական յարձակողական գործողութիւններու ֆինանսաւորումը, իսկ երկրորդը չեղեալ կը համարէ Իրաքէն ներս ռազմական ուժ կիրառելու նախագահի թոյլտւութիւնը, որ տրուեր է 2002 թուականին, – կը յայտնէ News.am-ը:

Ընդ որում, երկու նախագիծերը, քիչ հաւանական է, որ անցնին Սենատ կամ դրուին նախագահի սեղանին: