Եւրոպայի խորհուրդի խորհրդարանական վեհաժողովը (ԵԽԽՎ) Յունուարի 30-ին ձայներու մեծամասնութեամբ ընդուներ է Ատրպէյջանի քաղբանտարկեալներու խնդիրին մասին բանաձեւը:

Քննարկման ընթացքին պատգամաւորներու մեծամասնութիւնը հաւանութեան արժանացուցեր է զեկոյցը, – կը փոխանցէ tert.am-ը:

ԵԽԽՎ-ն կոչ ըրեր է Ատրպէյջանի կառավարութեան, որ ենթադրեալ քաղբանտարկեալներուն ցուցակները վերանայուին «անկախ եւ անկողմնակալ մարմինին» կողմէ:

Ատրպէյջանցի իրաւապաշտպաններուն տուեալներով` Ատրպէյջանի մէջ քաղբանտարկեալներուն թիւը 120-էն 160 հոգի է: