Արեւմտեան Հայաստանի Մարաշ նահանգին մէջ սողանքի հետեւանքով սարէն անջատուած հսկայ ժայռաբեկորները փակեր են գիւղ տանող ճամբան:

Աշակերտներ տեղափոխող փոխադրամիջոցի վարորդը, սողանքը նկատելուն պէս կանգնեցուցեր է մեքենան՝ փրկելով ուղեւորները հնարաւոր աղետէն:

Մուշի մէջ առատ տեղացող ձիւնին եւ ձիւնաբուքին պատճառով, բարձրադիր վայրերուն գտնուող գիւղերու միայարկ տուները ամբողջովին յայտնուեր են ձիւնի տակ:

Իսկ Ուրֆայի մէջ, եղանակի տաքացման զուգընթաց՝ սկսեր է  պիստակի եւ ձիթապտուղի տնկիներու ծառատունկի շրջանը: