Սուրիական կառավարական ուժերուն կողմէ Իդլիբի շրջանի շարք մը բնակավայրերու ազատագրումէն ետք, հարիւրաւոր մարդիկ մարդասիրական միջանցքներով դուրս եկեր են այդ տարածքներէն։

Անոնք իրենց հետ վերցուցեր են միայն փաստաթուղթեր։ Ահաբեկիչները թոյլ չեն տուած իրենց հետ այլ իրեր վերցնելու։

«Այնտեղ շատ վատ է. Մեզի թոյլ չեն տար խաղաղ ապրիլ, կը խլեն դրամ, տուներ, կահոյք: Որեւէ պահու անոնք կրնան բանտ նստեցնել՝ եթէ փորձես ընդդիմանալ», – ՌԻԱ Նովոստին կը մեջբերէ փախստականներէն մէկու՝ Ֆաուզի Էլհաջ Ջամալի խօսքը:

Փախստականներու խօսքով, անհնար է ապրիլ վայրի մը մէջ, ուր կրնաս ամեն պահ անօրինականութեան զոհ դառնալ։

Ըստ Ռիա նովոստի գործակալութեան՝ փախստականերու այս խումբը դուրս եկեր էր այդ շրջաններէն մինչեւ վերջին օրերու իրավիճակի սրումը։

Թիւրքիոյ կողմէ հովանաւորուող ահաբեկիչները կը շարունակեն անոր անմարդկային քաղաքականութիւնը՝ ուղղուած տարածաշրջանի բնիկ ժողովուրդներուն դէմ։ Միջազգային հանրութիւնը սակայն, հարցին կը մօտենայ միակողմանիօրէն․աչք կը փակէ նոյնիսկ այն հանգամանքին վրայ, որ վերջին օրերուն սպաննուած երեք տասնեակ թիւրք զինուորականները կը գտնուէին ահաբեկիչներու շարքերուն մէջ։