STEP News լրատուականը կը յայտնէ, որ Սուրիական կառավարական ուժերը աւելցուցեր են զինուորականներուն թիւը Իդլիբի շրջանին, ներառեալ 25-րդ յատուկ նշանակութեան ջոկատի մարտիկներով: Աղբիւրը կը յայտնէ նաեւ, որ Սուրիոյ ռազմաօդային ուժերը մարտական ​​առաքելութիւն իրականացուցեր են նահանգի հարաւին եւ օդային հարուած հասցուցեր են Սարմին քաղաքի մերձակայքին գտնուող թրքական ռազմական շարասիւնին վրայ։ Չհաստատուած լուրերու համաձայն, թիւրք զինծառայողներու շարքին կան վիրաւորներ եւ սպաննուածներ:

Թրքական բանակի մէկ այլ շարասիւն հատեր է երկրի հիւսիս-արեւմուտքին գտնուող Բաբ ալ-Հաուա սահմանը: Համաձայն Al Masdar կայքին, շարասիւնի կազմին մէջ կան  ինչպէս զրահապատ մեքենաներ, այնպէս ալ հրասայլեր ‘եւ բուլդոզըրներ՝ ամրութիւններ կառուցելու համար: Սարքաւորումներն ուղարկուեր են Ալ-Զաուիա լեռներու շրջակայք, ուր Անկարայի աջակցած ընդդիմութեան զինեալները կը փորձեն թոյլ չիտալ, որ սուրիական բանակը շարժուի դէպի Ալ-Գաբ հովիտը: