Արեւմտեան Հայաստանէն ներս տարուան մեծ մասը ձիւնի ծածկոյթի տակ գտնուող Կարին, Կարս եւ Արդահան շրջաններուն տեղացած առատ ձիւնը կրկին ճերմակով   ծածկեր է այս շրջանները:

Նշուած 3 քաղաքներուն մէջ  ընդմիջումներով տեղացող ձիւնը բարձրադիր շրջաններուն վերածուեր է ձիւնաբուքի:

Մարզպետարանն ու քաղաքային աշխատակազմերը մայրուղիներուն վրայ իրականացուցեր են ձիւնամաքրման եւ աղ ցանելու աշխատանքները:

Փետրուարի 4-ին եւ 5-ին Վանի Բահչեսարայ եւ Չաթակ գաւառներուն միջեւ ինկած մայրուղիին վրայ տեղի ունեցած ձիւնահիւսին պատճառով պաշտօնական տուեալներով զոհուեր էր 41 մարդ, 84-ը վիրաւորուեր էին:

Ձիւնահիւսին տակ տակաւին կային մահացածներու դիեր, իսկ որոնողական աշխատանքները կը  շարունակուին: Աղետէն 40 օր անց ալ հնարաւոր եղած է գտնել հրշէջ-փրկարար Մեհմետ Ջան Դաշդեմիրի դին: