ԱՄՆ-ը պատժամիջոցներր սահամաներ է Իրանի դէմ եւ կոչ ըրեր է Իսլամական Հանրապետութեան՝ ազատ արձակելու կալանաւորուած ամերիկացիները:

Ինչպէս կը փոխանցէ news.am-ը՝ Իրանը կը դիտարկէ ԱՄՆ-ի քանի մը քաղաքացիները ազատելու հնարաւորութիւնը, մամուլի ասուլիսին յայտներ է պետքարտուղար Մայք Պոմպէոն՝ հասկցնելով, որ Ուաշինգտոնը կը շարունակէ առաւելագոյն ճնշումներու իր քաղաքականութիւնը, որպէսզի Իրանին զրկէ նաւթ արտահանելու հնարաւորութենէն:

Ան յայտներ է, որ պետքարտուղարութիւնը «սեւ ցուցակի» մէջ  ընդգրկեր է Հարաւային Ափրիկէի, Հոնկոնգի եւ Չինաստանի մէջ գտնուող ինը հաստատութիւններ, ինչպէս նաեւ իրանցի մասնաւոր անձեր՝ իրանական նաւթաքիմիական ապրանքներու առեւտուրի անոնց «զգալի գործարքներուն համար»։

Բացի այդ, ԱՄՆ-ի առեւտուրի նախարարութիւնը յայտարարեր է, որ «սեւ ցուցակին մէջ» կ՛աւելցնէ վեց մարդ եւս, որոնց շարքին են հինգ իրանցի միջուկագէտ-գիտնականներ, եւ 18 ընկերութիւններ՝ Իրանի միջուկային ծրագիրին, Պակիստանի չպաշտպանուած միջուկային եւ հրթիռային ծրագիրներուն եւ ռուսական ռազմական արդիականացման ջանքերուն օգնելնուն համար։