Sun. Sep 27th, 2020

Արեւմտեան Հայաստանի Հանրապետութեան Նախագահական խորհուրդ

Արեւմտեան Հայաստանի Հանրապետութեան Նախագահի հրամանագիր

N°75 – 2020.03.21

Կապուած Կորոնավարակ (Covid-19) համաճարակի հետ, որ կ՛ազդէ ամբողջ աշխարհի բնակչութեան վրայ, ներառեալ Թիւրքիոյ եւ Արեւմտեան Հայաստանի աշխարհագրական տարածքին:

Հանրապետութեան նախագահը,

  • Հաշուի առնելով Սահմանադրութեան 76-րդ յօդուածը, 
  • Հաշուի առնելով Նախագահ Վուդրօ Ուիլսոնի իրաւարար վճիռը, որ պաշտօնապէս կը սահմանէ Թիւրքիոյ եւ Արեւմտեան Հայաստանի միջեւ սահմանը,
  • Հաշուի առնելով 2016 թուականի Յունիս 24-ին Արեւմտեան Հայաստանի կողմէ Սեւրի պայմանագիրի վաւերացումը,
  • Հաշուի առնելով Արեւմտեան Հայաստանի եւ Թիւրքիոյ մէջ առկայ վիճակագրութիւնը` կապուած Կորոնավարակի տարածման հետ.

 

Հրամանագիր 

 

Յօդուած 1: Արեւմտեան Հայաստանի եւ Թիւրքիոյ միջեւ ցամաքային, օդային եւ ծովային սահմանի ժամանակաւոր փակումը՝ երկու երկիրներուն միջեւ ոչ էական տեղաշարժերու ծաւալով,

Յօդուած 2 : Հայցել Միացեալ Նահանգներու Նախագահ Դոնալդ Թրամփին՝ աջակցելու Արեւմտեան Հայաստանի եւ Թիւրքիոյ միջեւ սահմանի ժամանակաւոր փակման վերաբերող գործընթացներուն, վերահսկելով սահմաններու հասանելիութիւնը՝ համաձայն նախագահ Վուդրօ Ուիլսոնի իրաւարար վճիռին, որ պաշտօնապէս կը սահմանէ Թիւրքիոյ եւ Արեւմտեան Հայաստանի սահմանը:

 

Յօդուած 3 : Հայցել Եւրոպական իշխանութիւններուն եւ ՄԱԿ-ին` օգնելու Սուրիայէն ժամանած հայ փախստականները իրենց հայրենիք վերադարձնելու գործին, ովքեր  կը պահանջեն ապրիլ իրենց նախնիներու երկրին՝ Արեւմտեան Հայաստանի մէջ:

 

Յօդուած 4 : Հրամանագիրը կը հրապարակուի Արեւմտեան Հայաստանի Հանրապետութեան պաշտօնական տեղեկագիրի էջերուն:

 

Կարին, 21 Մարտ, 2020 թ․

Արմենակ Աբրահամեան

Արեւմտեան Հայաստանի Հանրապետութեան Նախագահ