Sun. Sep 27th, 2020

Միացեալ Նահանգները պատժամիջոցներ սահմաներ է Իրանեան եւ Իրաքեան երկու տասնեակ ընկերութիւններու, ինչպէս նաեւ անհատներու եւ պաշտօնեաներու նկատմամբ՝ զանոնք մեղադրելով ահաբեկչական խմբաւորումներուն աջակցելու մէջ:

Պատժամիջոցներուն տակ ինկած ընկերութիւններն ու անհատները կը մեղադրուին Իրաքի տարածքին ահաբեկչական խմբաւորումներուն օգնութիւն ցուցաբերելու մէջ, մասնաւորապէս՝ «Քաթաիբ Հզբոլա» եւ «Ասաէդ Ահլ ալ-Հաք» ահաբեկչական կազմակերպութիւններուն:

Անոնք կը մեղադրուին նաեւ, որ մաքսանենգ ճանապարհով զենքեր կը մատակարարեն Եմենին, իրանական նաւթ կը վաճառեն Սուրիոյ կառավարութեան, Իրաքի մէջ քարոզչական աշխատանքներ կը տանին, կ’ահաբեկեն Իրաքցի քաղաքական գործիչներուն: