Վարչապետ Նիկոլ Փաշինեանը հեռախօսազրոյց ունեցեր է Իրանի Իսլամական Հանրապետութեան նախագահ Հասան Ռոհանիին հետ:

Ինչպէս տեղեկացուցին ՀՀ վարչապետի աշխատակազմի տեղեկատւութեան եւ հասարակայնութեան հետ կապերու վարչութենէն, Նիկոլ Փաշինեանը զրոյցի սկիզբը Իրանի նախագահին եւ ողջ ժողովուրդին շնորհաւորեր է Ռամատանի սուրբ տօնին առթիւ:

Կողմերը գոհունակութիւն յայտներ են, որ հակառակ հաղորդակցութեան ոլորտի ժամանակաւոր սահմանափակումներուն, երկու երկիրները կը շարունակեն առեւտրատնտեսական համագործակցութիւնը: Երկուստէք կարեւորուեր է այդ ուղղութեամբ յետագայ քայլերու ձեռնարկումը:

Նիկոլ Փաշինեանն ու Հասան Ռոհանին, մասնաւորապէս ընդգծեր են առեւտրատնտեսական համագործակցութեան նախաճգնաժամային  ծաւալները վերականգնելու նպատակով համապատասխան միջոցներու ձեռնարկման պատրաստակամութիւնը՝ պահպանելով ստեղծուած իրավիճակով պարտադրուած սահմանափակումները: