Լիբիոյ մէջ ՄԱԿ-ի յատուկ ներկայացուցիչ Ստեֆանի Ուիլիամսը գերմանական լրատուամիջոցին տուած իր հարցազրոյցին յայտներ է, որ հակառակ Յունուարին Բեռլինի մէջ կայացած Լիբիական ժողովով ընդունուած որոշման՝ որոշ երկիրներ լրջօրէն կը խախտեն զէնքի մատակարարման արգելքը։

Անոր խօսքով՝ Լիբիան վերջին ժամանակաշրջանին նոր զէնքերու համար վերածուեր է փորձադաշտի։ 

Ուիլիամսը նշեր է, որ տարածաշրջանին «կրակը կը թեժացնեն» Թիւրքիան եւ Արաբական Միացեալ Էմիրութիւնները (ԱՄԷ)։  Մասնաւորապէս Թիւրքիան նաւեր  կ’ուղարկէ Լիբիոյ Միսրատա եւ Տրիպոլի քաղաքներ։ 

Նշենք, որ Թիւրքիան կ’աջակցի Լիբիոյ Ազգային համաձայնութեան կառավարութեան, իսկ արաբական երկրներէն Սէուդական Արաբիան, Եգիպտոսը, Արաբական Միացեալ Էմիրութիւնները` գեներալ Խալիֆա Հաֆթարի գլխաւորած Լիբիոյ ազգային բանակին: