Հայ ժողովուրդը մայիսի 9-ին կը տոնէ եռատոնը՝ Հայրենական մեծ պատերազմի յաղթանակի 75-ամեակը, Շուշիի ազատագրման եւ Արցախի պաշտպանութեան բանակի ստեղծման տարեդարձը:

89-րդ լեգենդար Թամանյան դիվիզիայի մարտիկներ

 «Արմենպրես»-ի փոխանցմամբ՝ Հայաստանի ու Արցախի մէջ մայիսի 9-ին ծրագրուած են միջոցառումներ, որոնք, սակայն, նոր տիպի կորոնավարակի տարածման կանխարգելելու նպատակով, չեն կրի զանգուածային բնոյթ: Հայաստանի եւ Արցախի մէջ հարգանքի տուրք կը մատուցեն ինչպէս յաղթանակները կերտած ու անմահացած հայորդիներու յիշատակին, այնպէս ալ պատերազմի վետերաններուն:

Մայիսի 9-ի առաւօոտէն միջոցառումներ տեղի կունենան Երեւանի Հաղթանակի զբոսայգի, Ստեփանակերտի ու Շուշիի մէջ: Նախատեսուած է օդային շքերթ՝ ՀՀ ռազմաօդային ուժերու մասնակցութեամբ: Շուշիի մէջ՝ Տանկ-յուշարձանի պատուանդանին եւ սպարապետ Վազգեն Սարգսեանի յուշարձանին ծաղկեպսակներ կը տեղադրուին։ Արցախ  կայցելէ նաեւ ՀՀ վարչապետ Նիկոլ Փաշինեանը: