Ռուսաստանի ռազմական ոստիկանութեան ստորաբաժանումները պարեկեր են Հալէպ նահանգի հիւսիսային չորս երթուղիներուն,  կը տեղեկացնէ պատերազմող կողմերու հաշտեցման ռուսական կենտրոնի տեղեկագիրին մէջ:

Օդային պարեկութիւնն կիրականացնէին ՌԴ ԶՈՒ օդատիրեզերական ուժերը:

Միաժամանակ Սուրիոյ հարաւին Դարիա նահանգի մէջ սուրիական բանակը յատուկ գործողութիւն կիրականացնէ ահաբեկիչներու խմբաւորումը չեզոքացնելու համար: Աւելի վաղ գրոհայինները սպաներ էին ինը ոստիկանի Ալ-Մուզեյրիբ  քաղաքի  տարածքին, կը յայտնէ Al-Masdar լրատուակայանը:

«Ջեբհաթ ան-Նուսրա » ահաբեկչական խմբաւորման  հետ կապուած զինեալները ապաստաներ են Դամասկոսէն 110 կմ դէպի արեւմուտք գտնուող Դարայի գաւառական կենտրոնին: Ահաբեկիչները շրջապատուած  են սուրիական բանակի ստորաբաժանումներով, զէնքը վայր դնելու վերջնագիրը անոնք մերժեր են:

Միեւնոյն ժամանակ, սուրիական բանակի  զինծառայողները կը պայքարին «Իսլամական պետութեան» ահաբեկչական խմբաւորման անդամներու դէմ, որոնք ապաստան  գտեր են Հոմս քաղաքի արեւելեան նահանգին: Ուրբաթ օրը ահաբեկիչները գրոհեր էին կառավարական ուժերու դիրքերը Պալմիրա քաղաքէն 70 կմ հեռաւորութեան վրայ գտնուող Էս-Սուխնայի օազիսի մէջ, սակայն անյաջողութեան  մատնուեր էին եւ նահանջեր: