Այս մասին գրած է arevelk.am-ը յայտնելով, որ  սուրիական բանակն անրդրդվելի է:

Սուրիոյ  բանակի  պաշտպանական  դիրքեր թիրախ   դարձած են ահաբեկչական գրոհներու։

Աղբիւրը կը նշէ, որ երէկ ծանր մարտեր  տեղի ունեցած են  Համայի մերձ գտնուող եւ  Սահըլ  Ալ Ղապ  եւ  Ժապալ  Զաուիյաթ  շրջաններուն  մէջ,   ուր «Իսլամական-թուրքիստանական»  անունով   յայտնի  կազմակերպութեան  ահաբեկիչներ  «Հաուըն»   տիպի հրթիռներով հարուածներ հասցուցած են  շրջանի  անվտանգութեան հսկող  Սուրիոյ  բանակի  պաշտպանական դիրքերու  ուղղութեամբ։  Աւելի ուշ  ահաբեկիչներ  գործի դրած  են  ականուած ինքնաշարժներ, որոնց  պայթումին հետեւանքով զոհուած են Սուրիոյ բանակի   29 զինուորներ։

Բանակի  մօտիկ աղբիւրներ  նաեւ  հաղորդած են, որ  Սուրիոյ բանակի  ձեռնարկած քայլերուն   հետեւանքով մեծ թիւով  ահաբեկիչներ  սպաննուած են, իսկ անոնցմէ կարեւոր մաս մը ստիպուած եղած է նահանջել, մարտի  դաշտին մէջ թողելով մեծ   քանակութեամբ  զէնք եւ զինամթերք։

 Ներկայ պահի դրութեամբ շրջանին մէջ կը տիրէ զգուշաւոր  հանդարտութիւն: