2007 թուականի հունուարի 19-ին պոլսահայ մտաւորական, «Ակօս» պարբերականի հիմնադիր խմբագրապետ Հրանտ Դինքին սպանած թուրք ազգայնական Օգյուն Սամասթը հնարաւոր է` շուտով ազատ արձակուի  բանտէն:

Թուրքական T24 լրատուականի փոխանցմամբ` 13 տարի 5 ամսուայ ազատազրկման դատապարտուած Սամասթի պատժաժամկէտի աւարտին 1 տարի 9 ամիս  մնացեր է: Սակայն ան կարող է պայմանական վաղաժամկէտ ազատ արձակուիլ 9 ամիս անց:

Միեւնոյն ժամանակ կը շարունակուի Դինքի սպանութեան գործով ուժային կառոյցներու  շարք մը բարձրաստիճան պաշտօնեաներու դատաւարութիւնը: Պոլսահայ մտաւորականի ընտանիքն ու շահերը ներկայացնող փաստաբանները կը շարունակեն պնդել, որ սպանութիւնը նախապէս ծրագրուած  եղեր է, եւ իրավապահ մարմինները, տեղեակ ըլլալով նախապատրաստուող մահափորձին, չեն կանխած այն։