Արեւմտեան Հայաստանի Կարս նահանգին մէջ՝ ծովի մակարդակէն 1627 մ բարձրութեան վրայ գտնուող Քույուջուկ լիճը անցեալ տարի ամբողջովին ցամքեր էր: Չորութեան պատճառով լիճին մէջ ապրող թռչունները հետզհետէ ստիպուած էին լքել իրենց վայրը: Նախկին ժամանակ լիճը կը հիւրընկալէր 213 տարբեր թռչնատեսակներու:

Իշխանութիւնները միջոցներ ձեռնարկեր են լիճը վերակենդանացնելու համար եւ նախագծել փրկարարական ծրագիր:

Այժմ կեանքի կոչուած Քույուջուկը Փրկելու Նախագիծը հաճելի զարգացումներ  կապրի:

Մոտաւորապէս 9 ամիս առաջ սկսած աշխատանքներու արդիւնքին՝ օրական 16 ժամ տեւողութեամբ վայրկեանին 27 լիտր ջուր կը լեցուի լիճի աւազանը: Անցնող շաբաթներու ընթացքին տեղացած անձրեւներու շնորհիւ լիճը կսկսի դանդաղօրեն վերադառնալ նախկին վիճակին: Անցած շաբաթ Քույուջուկի լիճ այցելեր են 57 տեսակներու պատկանող 3 հազար 178 թռչուն:

Ծրագրի համագործակիցները շաբաթական կտրուածքով կը շարունակեն  հետեւիլ թռչուններու եւ լիճի վիճակը: