Արեւմտեան Հայաստանի Մուշ նահանգի  քաղաքացի մը իր պարտեզին մէջ գտեր է ոչնչացման վտանգի տակ գտնուող դեղին բծաւոր պոչաւոր երկկենցաղ՝  սալամանդր:

Հայաթի Յալվարըջը անունով քաղաքացին յայտարարելով, որ ինքը բնութեան սիրահար է եւ երկար տարիներ կը շփուի բնութեան հետ, պատմեր է հետեւեալը.«Մանկութիւնէս ի վեր, իմ հոբբիներէս մէկը եղած է բնութեան մէջ զբոսանքները  եւ որսորդութիւնը: Պարտեզիս մէջ  հանդիպեցի  արարածի մը, որուն նախկին ժամանակ չէի տեսած: Առաջին հերթին մտածեցի, որ այդ կարող է մողես ըլլայ, բայց այնքան ալ վստահ չէի: Ես խօսեցայ վայրի բնութեան գիտակ մասնագետի հետ  եւ կիսուեցայ սալամանդրի լուսանկարներով: Ան ինձ ըսաւ, որ այս կենդանին Հրային կամ բծաւոր սալամանդրն է (Salamandra infraimmaculata Mertens, 1948) եւ անոր սերունդը ոչնչացման սպառնալիքի տակ է:

Ես վերջապես տեղեկացայ սալամանդրի մասին, որուն նախկին ժամանակ չեմ հանդիպած Մուշի մէջ: Այնուհետեւ, որպէս յիշողութիւն, լուսանկարեցի սալամանդրին եւ ազատ արձակեցի մայր բնութեան մէջ, ինչն ալ եւ կը պահանջուէր»: