Քարաքուրթ ամբարտակի եւ հիդրոէլեկտրակայանի (ՀԷԿ) ծրագրի պատճառով Կարսի Սարիղամիշ գաւառի Քարաքուրթ գիւղը յայտնուեր է ջուրի տակ: Բարձրացող ջուրը փակեր է գիւղի մուտքն ու ելքը, գիւղացիները յայտնուեր են անելանելի դրութեան մէջ: Գերեզմանատուները նոյնպէս հեղեղուեր են, գիւղացիները սկսեր են տեղափոխել գերեզմանները:

Գիւղացիները, ովքեր բարձրացող ջուրի պատճառով  ստիպուած էին բարձրանալ իրենց տուներու տանիքները, ըսին թէ«Անոնք ջուրի տակ թողեցին մեր տուները, մեր պատմութիւնը»:

BirGün- ի հետ զրոյցի ժամանակ Քարաքուրթ գիւղէն Զաֆեր Ջանդանը ըսաւ հետեւեալը. «Մեզի կըսեն դուրս եկեք, հեռացեք այստեղէն: Մենք ի՞նչպէս կրնանք թողնել մեր տուները, ի՞նչպէս դուրս բերենք մեր հանգուցեալներուն: Թափառող կենդանիները չեն կարողանար իրենց համար սնունդ գտնել»:

Ջուրի բարձրացումով հեղեղուեր են ճանապարհներն ու բնակիչներու տուները, ինչպէս նաեւ բազմաթիւ մշակութային ժառանգութիւններ: Շրջանին կը գտնուին  2000-ամեայ պատմութիւն ունեցող եկեղեցի, 22 մշակութային ժառանգութիւն եւ Ուրարտական ժամանակաշրջանէն մնացած քարէ տուներ:

Նիւթն ամբողջութեամբ կը գտնեք մեր կայքէջէն: