2015 թուականին, Գերմանիայի Բոնն քաղաքի մէջ անցկացուած  ՅՈՒՆԵՍԿՕ-ի Համաշխարհային ժառանգութեան կոմիտէի 39-րդ նիստի ժամանակ Արեւմտեան Հայաստանի Տիգրանակերտ քաղաքի պարիսպները եւ  Հեվսելի այգիները,  որտեղ կը բնակուին բազմաթիւ կենդանիներու տեսակներ, ներառուեր են համաշխարհային մշակոյթի ժառանգութեան ցանկին: Չնայած նախազգուշացումներուն, որոշ մարդկանց կողմէ Հեվսելի այգիներու տարածքին թափուած  է շինարարական աղբ:

Քաղաքապետ Աբդուլլահ Չիթֆչին յայտներ է, որ հարուցուեր են վարչական եւ դատական ​​վարոյթներ՝  մեղաւորներուն խստագոյնս պատժելու համար:

Տարածքը աղբէ մաքրելու համար Սուրի քաղաքապետարանը եւ մարզպետարանը գործի անցեր են: Երեկ առաւօտեան քաղաքային խումբերը շինարարական գործիքներով մտեր են Հեվսելի այգիներ: խումբերը դեռ կաշխատին շինարարական աղբը հեռացնելու ուղղութեամբ:

Հեվսելի  այգիները Տիգրանակերտի եւ աշխարհի բոլոր ազգերու արժեքն են: Քաղաքապետի տեղակալի խօսքով՝ պարտաւոր ենք պաշտպանել այս արժեքը: