ԱՐԵՒՄՏԵԱՆ ՀԱՅԱՍՏԱՆ – Ինչպէս արդեն յայտներ էինք Չեխիայի Սենատը չորեքշաբթի օրը ընդունած  բանաձեւին դատապարտեց նացիստներու կողմէ մարդկութեան դէմ իրագործած ոճրագործութիւնները եւ 105 տարի առաջ Օսմանեան կայսրութեան մէջ հայերու դէմ կատարուած  ցեղասպանութեանը, կը հաղորդէ  Ceske Noviny-ը:

2017-ի ապրիլին Չեխիայի խորհրդարանի Պատգամաւորներու պալատը հաստատեց բանաձեւ, որով կը դատապարտէ Առաջին աշխարհամարտի տարիներուն Օսմանեան կայսրութեան հայերու եւ այլ կրոնական եւ ազգային փոքրամասնութիւններու դէմ ցեղասպանութիւնը:

Հայերու դէմ  կատարուած ցեղասպանութեան մասին

Հայերու դէմ ցեղասպանութիւնը (յայտնի է նաեւ որպէս հայերու հոլոքոստ), 1894-1923 թուականներու ընթացքին Օսմանեան կառավարութեան կողմէ Թուրքիոյ մէջ եւ հարակից շրջաններուն հայ ժողովուրդի համակարգուած զանգուածային սպանութիւնները եւ արտաքսումն է։

Այս զանգուածային սպանութիւններու սկիզբը պայմանականօրեն կը համարուի 1915 թ. Ապրիլի 24-ը, այն օրը, երբ օսմանեան իշխանութիւնները սկսեցան ձերբակալել եւ տեղահանել Կոստանդնուպոլիսէն, Անգորայէն  700-էն 750 հայ մտաւորականներու եւ համայնքի ղեկավարներու, որոնցմէ շատերը ի վերջոյ սպանուեցան:

1915-ի սկիզբը երիտթուրքական վարչակարգը հաւաքեց հարիւրաւոր հայերու եւ կախաղան հանեց անոնցմէ շատերուն Կոստանդնուպոլիսի փողոցներուն ՝ նախքան հայ բնակչութեան մեծ մասի արտաքսումը դէպի անապատ սկսիլը, որու ընթացքին զոհուեցան կամ սպանուեցան միլիոնաւոր հայեր: