«Պահպանութեան ծառայութիւն» ՊՈԱԿ-ի աշխատակիցները՝ աշխատանքային խումբի ղեկավար Վահագն Գրիգորեանի գլխաւորութեամբ, արդեն մի քանի օր է «Զուարթնոց» պատմամշակութային արգելոց-թանգարանի տարածքին համարակալուած բեկորներու նոյնականացման աշխատանքներ  կիրականացնեն: Այս մասին  տեղեկացանք ՊՈԱԿ-ի ֆեյսբուքեան էջէն։ 

2002 թ. «Հայաստան համահայկական հիմնադրամի» աջակցութեամբ ճարտարապետներու  խումբ մը իրականացուցեր է Զուարթնոցի Սուրբ Գրիգոր Լուսաւորիչ տաճարի բեկորներու հետազոտում, չափագրում եւ անձնագրավորում:  Տարիներու ընթացքին բեկորները ցուցակագրուեր են, իսկ հիմայ՝ ճշգրտման, նոյնականացման անհրաժեշտութիւն  առաջացեր է: 

Աշխատանքային խումբն կօգտուի 2002թ. տուեալներէն, համեմատելով ցուցակի մէջ ընդգրկուած լուսանկարներու, չափագրութիւններու հետ, թարմացնելով բեկորներու վրայի համարները: Չնայած որոշ դժուարութիւններու, մասնագետները շատ զգոյշ ու խնամքով  կաշխատին բեկորներու հետ:

ՊՈԱԿ-ի աշխատակից Վահագն Գրիգորեանի փոխանցմամբ, բեկորները չեն տեղաշարժուիր, երբեմն դժվարութիւն  կառաջանցնէ կապուած ոչ բարձրորակ լուսանկարի հետ: Արդեն նոյնականացուեր է 190 բեկոր: