Արեւմտեան Հայաստանի Կարին նահանգի Նարման գաւառին մէջ գտնուող կիրճերը, որոնք  կառուցուածքով նման են Ամերիկայի Կոլորադոյի հովիտին գտնուող Մեծ Կանիոնին, ընդգրկուած են ՅՈՒՆԵՍԿՕ-ի Համաշխարհային ժառանգութեան ժամանակաւոր ցանկին: Այստեղ կընթանան հանգստեան գոտիի շինարարական աշխատանքերը, որոնք կը կատարուին մեծ զգոյշութեամբ՝  հաշուի առնելով շրջակայ միջավայրի բնութեան առանձնահատկութիւնները:

Նարմանի կանիոններու ձեւաւորման գործընթացը սկսեր է 300 միլիոն տարի առաջ եւ ժողովուրդի մէջ յայտնի է նաեւ «կարմիր փերիներու երկիր» անուանումով:

Կարինի նահանգապետարանի եւ Նարմանի քաղաքապետարանի կողմէ իրականացուած աշխատանքներու արդիւնքին կառուցուող զբոսաշրջային հանգստեան գոտին ապագային կը հիւրընկալէ իր այցելուներուն: