Հալէպի մէջ կը շարունակեն վերականգնել ենթակառուցուածքները. ՍԱՆԱ գործակալութեան փոխանցմամբ՝ քաղաքային խորհուրդը կազմակերպեր է  Ալ-Համդանիյէի եւ Ալ-Ռամուսէյի տարածքները իրար կապող մայրուղիի ասֆալտապատումը, 35 կմ երկարութեամբ:

Ըստ քաղաքային խորհուրդի անդամ Ասի այ Շեյքի այս ճանապարհաշինական 3-րդ աւարտուած ծրագիրն է։

Յիշեցնենք, որ Հալէպը վերականգնելու լայնածաւալ նախագիծը մեկնարկեր է 2016-ին քաղաքի մեծ մասի ազատագրումէն անմիջապէս հետոյ: 2020 թուականին այս աշխատանքերը աւելի լայն թափ ստացեր են չնայած համավարակին եւ տնտեսական դժուարութիւններուն։

Սուրիոյ կառավարութիւնը՝ նախագահ Բաշար ալ-Ասադի գլխաւորութեամբ, կը շարունակէ վերակառուցել քաղաքի պատմական շէնքեր, ինչպիսիք են Հալէպի հին ծածկուած շուկաները, միջնաբերդը եւ հին քաղաքը: 

Քաղաքի պատմական վայրերուն ահաբեկիչները  ահռելի վնասներ հասցուցած էին։

Բաշար Ասադը ջանքեր կը գործադրէ քաղաքը վերակառուցելու եւ առաջին հերթին ցոյց տալու Սուրիոյ ժողովուրդին, որ կեանքը կը բարելաւի եւ ամբողջ աշխարհին յայտարարելու, որ Սուրիան կը վերադառնայ բնական եւ խաղաղ կեանքին ։