«Air Serbia» աւիաընկերութեան յատուկ չուերթով Սերպիայէն Հայաստան ժամաներ է մարդասիրական օգնութիւն՝ բժշկական պարագաներ ու սարքաւորումներ բերող առաջին օդանաւն, իսկ այսօր կը ժամանէ եւս մէկը:

Սերպիայի նախագահ Ալեքսանտր Վուչիչը ընդգծեր է, որ իր երկիրը պատրաստակամ է աջակցիլ Հայաստանին:

Որպէս աջակցութիւն համավարակի դէմ պայքարին՝ Սերպիան Հայաստանին կը տրամադրէ 10 արհեստական շնչառութեան գործիքներ, հիւանդի վիճակը վերահսկող 10 մոնիտոր, 500 հազար վիրահատական եւ 100 հազար շնչառական դիմակներ, 25 հազար պաշտպանիչ ակնոցներ, 25 հազար բժշկական պաշտպանիչ հանդերձանք եւ այլ անհրաժեշտ պարագաներ: