Ռուսական ուղղափառ եկեղեցին դէմ արտայայտուերէ Կոստանդնուպոլիսի Սուրբ Սոֆիայի տաճարը մզկիթի վերածելու թուրքական նախաձեռնութեանը։ Եկեղեցւոյ արտաքին յարաբերութիւններու պատասխանատու, եպիսկոպոս Հիլարիոնը հեռուստաեթերով հետեւեալ մեկնաբանութիւնն  կատարեց․

«Մենք չենք հասկանար, թէ ինչու պէտք է հիմայ բանալ Սուրբ Սոֆիան որպէս աղոթատեղի։ Բայց կարող ենք ենթաթրել, որ այդ կապուած է Թուրքիոյ ներքին քաղաքականութեան հետ, ինչպէս նաեւ նախագահ Էրդողանի ցանկութեան հետ՝ աջակցելու Սուրբ Սոֆիան մզկիթ դարձնելու կողմանկիցներուն։

Բայց ներկայ պայմաններուն նման քայլը կրոնի ազատութեան անընդունելի խախտում կըլլայ։ Մենք չենք կրնար վերադառնալ միջնադար։ Հիմայ կապրինք բազմաբեւեռ եւ բազմակրոն աշխարհի մէջ։ Պէտք է հարգանքով վերաբերուինք հաւատացեալ մարդկանց զգացմունքներուն», – նշեր է ռուս եպիսկոպոսը։

Հիշեցնենք, որ աւելի վաղ Թուրքիոյ բարձրագոյն վարչական դատարանին (Danıştay) հայց  ներկայացուեր է՝ Սուրբ Սոֆիայի տաճարը թանգարանի վերածելու մասին 1934թ․ նոյեմբերի 24-ի որոշումը չեղարկելու եւ տաճարը մզկիթի վերածելու պահանջով։ Գործի վերաբերեալ դատարանի վերջնական որոշում կը հրապարակուի նիստէն երկու շաբաթ ետք։