Արեւմտեան Հայաստանի Բաթման նահանգի հազուագիւտ շրջաններէն մէկը՝ անտիկ Հասանքեյֆի 12 հազարամեայ պատմութիւնը բոլորի աչքի առջեւ ոչնչացաւ, իսկ տեղւոյն վրայ բետոն լեցուեցաւ: Եւ այս տեսքը  կոչած են «Նոր դէմք»…

Երեկ «Անատոլու» գործակալութեան յայտնած լուրեն գիտցանք, որ Հասանքեյֆի մէջ Պետական ջրօգտագործման ընկերութեան  (DSİ) կողմէ կառուցուած Ըլըսու ամբարտակի աւարտուած աշխատանքներէն ետք լիճի տարածքին մնացած պատմական արժէքները տեղափոխուեր են նոր կառուցուած բնակավայր:

«Անատոլու» գործակալութիւնը կիսուեր է նոր Հասանքեյֆի  լուսանկարներով եւ անոնց կից գրած է. «Հասանքեյֆը իր նոր դեմքով կըսպասէ հիւրերուն»: Սոցիալական լրատուամիջոցներու օգտատերերը խիստ քննադատութեան  ենթարկեր են նշուած հոդուածը եւ լրատուամիջոցի ներկայացուցած լուսանկարները: Քննադատութիւններու թիրախ եղեր են ինչպէս Արդարութիւն եւ Զարգացում կուսակցութեան կառավարութիւնը, այնպէս ալ Անատոլու գործակալութիւնը: