Եւրոպայի ասորիներու միութիւնը (ESU) յայտարարութիւն  տարծեր է Թուրքիոյ կողմէ Իրաքի հիւսիսին իրականացուող «Pençe-Kartal» (Մագիլ-արծիւ) անուանումով լայնամասշտաբ ռազմական գործողութեան մասին։ Այս մասին գրած է Էրմենիհաբերը։

Ըստ միութեան յայտարարութեան՝ «Քիւրդիստանի բանւորական կուսակցութիւն» (PKK-ՔԲԿ) ռազմաքաղաքական կազմակերպութեան զինեալներու դէմ իրականացուող ռազմագործողութեան հետեւանքով այդ շրջանի 20 ասորական գիւղեր պարպուած են։

Նշուած է, որ իրենց բնակավայրերուն մէջ իրականացուող ռազմական գործողութիւններու պատճառով նշեալ գիւղերու բնակիչները տեղափոխուեր են Դոհուքի, Զախոյի ու այլ անվտանգ շրջաններ։

«Եւրոպայի ասորիներու միութիւնը»   Իրաքի կենտրոնական իշխանութիւններուն ու տարածքային ինքնակառավարման ղեկավարութեանը կոչ կընէ  շտապ ու կտրուկ միջոցներ ձեռնարկելու  տարածաշրջանին մէջ Թուրքիոյ միջամտութիւններու առաջքն առնելու, ռազմագործողութիւնները դադարեցնելու եւ  շրջանի բնակավայրերու անվտանգութիւնն ու խաղաղութիւնը ապահոուելու համար»,- կըսուի յայտարարութեան մէջ։

Հիշեցնենք, որ հունիսի 15-ին  Թուրքիոյ ՊՆ-ն յայտարարեր էր Իրաքի հիւսիսին երկի մէջ ահաբեկչական համարուող «Քիւրդիստանի բանւորական» կուսակցութեան (PKK-ՔԲԿ) դէմ «Pençe-Kartal» (Մագիլ-արծիւ) ռազմական գործողութեան մեկնարկի մասին։