Լատուիայի մէջ ՀՀ դեսպանութեան (նստավայրը՝ Վիլնիւս) նախաձեռնութեամբ, կազմակերպմամբ եւ աջակցութեամբ հունիսի 11-ին ամերիկեան հանրայայտ Delos ընկերութեան կողմէ թողարկուեր  է Կոմիտաս վարդապետի «Սուրբ Պատարագի» համերգային ամբողջական տարբերակի ձայնասկավառակը՝ ի նշանաւորումն մեծ կոմպոզիտորի եւ հոգեւորականի 150-ամեակին։ «Արմենպրես»-ին այս մասին յայտնած են Լատուիայի , Լիտուայի եւ Էստոնիայի մէջ ՀՀ դեսպանութիւնէն։

«Պատարագի» ձայնագրութեանը նախորդեր էր 2019թ․ սեպտեմբերի 20-ին Ռիգայի ամենահին՝ Սբ. Հովհաննէս եկեղեցւոյ մէջ դիրիժոր Սիգվարդս Կլեավայի ղեկավարութեամբ Լատվուայի Ռադիո երգչախումբի եւ հայազգի մենակատարներ Հովհաննէս Ներսիսեանի ու Արմեն Բադալեանի կողմէ համերգի կատարումը, որմէ ետք նոյն եկեղեցւոյ մէջ տեղի  ունեցած է ձայնագրութիւնը։

 Ձայնասկավառակի թողարկումը եզակի է այն առումով, որ առաջին անգամ խառն օտարազգի ներկայացուցիչներէն բաղկացած խումբը, Լատուիայի ռադիոյի երգչախումբը, կատարած, իսկ ետքը նաեւ ձայնագրած է Կոմիտասի «Պատարագի» համերգային ամբողջական տարբերակը։  Նախագիծի նախապատրաստական աշխատանքները շուրջ երեք տարի տեւած են: