Sat. Sep 26th, 2020

Հայազգի հանճարեղ ծովանկարիչ Հովհաննէս Այվազովսկիի 203-ամեակի կապակցութեամբ Հուլիսի 24-29 «Այվազովսկիի օրեր» խորագիրով միջոցառումներու շարք  կիրականացուի: Ծրագիրի շրջանակին Թեոդոսիայի Հովհաննէս Այվազովսկիի եւ Հայաստանի ազգային պատկերասրահներու համագործակցութեամբ կը նախատեսուի  վիրտուալ էքսկուրսիաներ, դասախօսութիւններ, վիկտորինաներ եւ ծանոթութիւն մեծանուն նկարիչի ժառանգներու հետ։

Ազգային պատկերասրահի՝ Այվազովսկիի հաւաքածուն մեծութեամբ երկրորդն է աշխարհի մէջ: Առաջինը Հովհաննէս Այվազովսկիի տուն-թանգարանն է:

Պատկերասրահին մէջ կան նկարչին պատկանող 80-է աւելի գործ, որոնց մեծ մասը մշտապէս կը ցուցադրուի երկու սրահներէն ներս: 

Միջոցառումներու շրջանակին, Այվազովսկիի ժառանգները Աւստրալիայէն, Մեծ Բրիտանիայէն, Ռուսաստանէն,  ԱՄՆ-էն  տեսաուղերձներով շնորհաւորեր են իրենց նախապապի 203-ամեակը եւ պատմած են հետաքրքիր պատմութիւններ։