Հայ-ատրպէյճանական պետական սահմանին օգոստոսի 2-ի լոյս 3-ի գիշերը եւ այսոր առաւոտեան պահպանուեր է հարաբերական անդորր։

Այս մասին «Ֆեյսբուք»-ի իր էջին գրած է ՀՀ Պաշտպանութեան նախարարի մամուլի խօսնակ Շուշան Ստեփանեանը:

«Ատրպէյճանական կողմը հրաձգային զինատեսակներէն խախտեր է կրակի դադարեցման ռեժիմը 8 անգամ` հայկական դիրքերու ուղղութեամբ արձակելով շուրջ 95 կրակոց: Կոթիի ուղղութեամբ տեղակայուած մարտական դիրքերու հատուածին` 2 անգամ: Զանգակատան ուղղութեամբ տեղակայուած մարտական դիրքերու հատուածը` 6 անգամ»,- գրած է Ստեփանեանը: