«Արցախպրես»-ի թղթակիցի հաղորդմամբ՝ այս մասին կառավարութեան նիստին ըսած է Արցախի Հանրապետութեան Նախագահ Արայիկ Հարութունեանը:

 Անոր խօսքով՝ նախկին ժամանակ ծրագիրով նախատեսուած էր Սարսանգի ջուրերու տեղափոխումը աջափնեայ ջրանցք: Ծրագրի մեկնարկը արդեն յանձնուած է: Նախագահը նշեր է, որ ջրային ռեսուրսները հասանելի կը դառնան Բերդաշենի ենթաշրջանի հողօգտագործողներու համար: Ընդհանուր առմամբ, ծրագիրով նախատեսուած է Մարտակերտի, Ասկերանի եւ Մարտունիի շրջաններուն մէջ ունենալ առնուազն 30 հազար հեկտար ինքնահոս տարբերակով կանոնաւոր ոռոգուող տարածք ոչ միայն ներքեւը, այլ եւ ջրանցքէն վեր գտնուող հատուածին:

 «Սարսանգի ջուրերու տեղափոխումը հնարաւորութիւն կուտայ, որպէսզի Խաչենի ջրամբարը միշտ ամբողջութեամբ լեցուած ըլլայ : Ծրագիրը կիրականացուի ռեկորդային ժամկէտով՝ 1 տարի 6 ամսուայ ընթացքին: Ներկայիս բանակցութիւններ  կընթանան ՀՀ-ի մէջ խողովակ արտադրող ընկերութիւններու հետ»,- աւելցուցած է Արայիկ Հարութունեանը: