Արեւմտեան Հայաստանի  նախագահ Արմենակ Աբրահամեանը ցաւակցութիւն յայտներ է Լիբանանի նախագահ Միշել Աունին՝ Բեյրութի նաւահանգիստի մէջ տեղի ունեցած պայթիւնի հետեւանքով բազմաթիւ զոհերու և աւերածութիւններու կապակցութեամբ․ կը տեղեկացնէ Նախագահի մամուլի ծառայութիւնը:

«Ձերդ Գերազանցութիւն,

Ցաւով տեղեկացայ Լիբանանի մայրաքաղաք Բեյրութի մէջ ահարկու պայիւնի  մասին:

 Անկեղծ ցաւակցութիւն կը յայտնեմ Ձեզի եւ Լիբանանի բարեկամ ժողովուրդին՝ տասնեակ մարդկային զոհերու եւ աւերածութիւններու կապակցութեամբ:

Վստահ եմ, որ Լիբանանի կառավարութեան կողմէ ձեռնարկուած քայլերը թոյլ կուտան արագօրէն վերացնել այս արհավիրքի հետեւանքները:

Կը վշտակցինք զոհուածներու հարազատներուն ու մերձաւորներուն եւ ողջ Լիբանանի ժողովուրդին, կը մաղթենք տոկունութիւն եւ ոգու արիութիւն, իսկ տուժածներուն՝ շուտափոյթ ապաքինում։

Այս ծանր պահին եղբայրական Լիբանանի կողքին ենք»,-կըսուի նախագահ Աբրահամեանի հեռագիրին մէջ: