ԱՐՑԱԽ – Ատրպէյճանը կսպառնայ Բուրգ-լէ-Վալանսի քաղաքապետարանին ՝ Արցախի Հանրապետութեան Շուշի քաղաքի հետ կապեր ունենալու համար։
Սպառնալիքին հետեւեր է հարկադիր կատարողներու անակնկնալ այցը Բուրգ-լէ-Վալանսի քաղաքապետարան: Այս ձեւ Ատրպէյճանը պաշտօնապէս կը խնդրէ Բուրգ-լէ-Վալանսին խզել բոլոր յարաբերութիւնները Շուշիի հետ, քաղաք մը, որու հետ այն քոյր քաղաք կը հանդիսանայ։

Հետեւաբար, կը պնդէ, որ քաղաքապետարանէն ընտրուած պաշտօնեաներուն արգիլուի որեւէ առաքելութեամբ մեկնիլ Արցախի Հանրապետութիւն:

Անոնց անհանգստութեան պատճառը Շուշի քաղաքի հետ կնքուած դաշինքն է, որու հետեւանքով քաղաքապետարանը 2014 թ.-ի Հոկտեմբերէն կը պահպանէ բարեկամական կապեր Շուշիի հետ եւ կը զարգացնէ մշակութային համագործակցութիւնը:

1991-ին անկախ հռչակուած Արցախի եւ Ատրպէյճանի միջեւ առկա են լարուած յարաբերութիւններ: Երկու կողմերու միջեւ պատերազմէն ետք 1994-ին հրադադարի ռեժիմը սահմանուեցաւ: Բայց Ապրիլէն ի վեր նոր ռազմական յարձակում տեղի ունեցաւ Ատրպէյճանի կողմէ: Բուրգ-լէ-Վալանսի քաղաքապետարանին հասցէագրած կոչերը այս դիմակայութեան բաւականին եզակի զարգացումն են: Դրոմէն  ընտրուած  մի քանի պաշտօնատար անձեր վերջին օրերուն ուղերձ հղեր են Լեռնային Ղարաբաղին, նախաձեռնութիւն մը, որն ակնյայտօրեն կը խորացնէ Ատրպէյճանի անհանգստութիւնը:

Ֆրանսիոյ մէջ Ատրպէյճանի դեսպանը կը կարծէ, որ այս մարտահրաւեր է ինքնիշխան պետութեան տարածքային ամբողջականութեան դէմ: Ան նշած է, որ «մենք չենք կրնար հանդուրժել որոշ պաշտօնեաներու գործողութիւնները իրենց ընտրական պարտաւորութիւններու շրջանակներուն»։

Իր հերթին, Բուրգ-լէ-Վալանսի քաղաքապետ Մառլեն Մուղիերը կը կարծէ, որ այս «ահաբեկիչ գործողութիւն է» Ատրպէյճանի կողմէ: Ան հաւելեր է, որ ինքը լիովին նպատակ ունի պահպանել Շուշիի հետ իր արտոնեալ յարաբերութիւնները, ինչպէս այդ եղեր է, եւ որ Ատրպէյճանը պէտք չէ թելադրէ իր պահուածքը: