Թուրքական լրատուամիջոցներուն մէջ տեղ գտած պնդումներու համաձայն՝ Յունաստանը կոչով դիմեր է Թուրքիային 2023 թուականի Հուլիսի 24-ին ընդառաջ Լոզանի պայմանագիրը վերանայելու կոչով։

Այս մասին գրած է ermenihaber-ը։

Ներկայիս Թուրքիայի Հանրապետութեան սահմանները մեծամասամբ որոշուած են  Լոզանի պայմանագիրով, որը ստորագրուեր է 1923 թուականի Հուլիսի 24-ին եւ որու 100-ամեակը կը լրանայ 2023 թուականի Հուլիսի 24-ին։

Չնայած Սեւրէն ետք Լոզանը կը համարուի թուրքական դիւանագիտութեան յաղթանակը, սակայն Թուրքիայի ներկայիս իշխանութիւններու հաւակնութիւններու տեսանկիւնէն Լոզանի պայմանագիրով Թուրքիան շարք մը «տարածքային կորուստներ » ունեցեր է։

Թուրքիայի Հանրապետութեան հիմնադիր նախագահ Մուստաֆա Քեմալ Աթաթուրքի առաջ քաշած «Ազգային ուխտի» համաձայն բազմաթիւ տարածքներ, այդ թիւին՝ Կիպրոսը եւ Էգեյան ծովին մէջ գտնուող շարք մը կղզիներ պէտք է ներառէին Թուրքիայի սահմաններուն մեջ։ Սակայն Լոզանի պայմանագիրով այդ տարածքներու նկատմամբ Թուրքիայի նկրտումները չարդարացան։

«Ազգային ուխտի» նախանշած սահմանները իրականութիւն դարձնելը Թուրքիոյ ներկայիս իշխանութիւններու  երբեմն քողարկուած կերպով իրականացուող քաղաքականութեան մաս կը կազմէ։

Հունաստանը մշտապէս կը քննադատէ Թուրքիոյ վարած այս քաղաքականութիւնը եւ կը մեղադրէ իր ինքնիշխանութեան նկատմամբ ոտնձգութիւններ կատարելուն համար։