Հայաստանի ազգային ֆիլհարմոնիկ նուագախումբը ձեռնարկեր է աննախադէպ մասշտաբի ծրագիր։ Նուագախումբը «Ուխտագնացութիւն դէպի Բեթհովեն» փառատօնի շրջանակին կը ձայնագրէ եւ կը տեսագրէ հանճարեղ կոմպոզիտոր Լիւդվիգ վան Բեթհովենի բոլոր 9 սիմֆոնիաները՝ Եւրոպայէն հրաուիրուած մեծանուն հնչիւնային եւ ձայնային ռեժիսոր Էվերետ Պորտերի ղեկավարութեամբ։ Վերջինս կը համագործակցի աշխարհի լաւագոյն դիրիժորներու, մենակատարներու, երաժշտական կոլեկտիւներու հետ, եւ Հայաստանի ազգային ֆիլհարմոնիկ նուագախումբի կատարմամբ Խաչատրեանի թիւ 2 եւ Չայկովսկիի թիւ 6 սիմֆոնիաներու վերջերս կատարուած ձայնագրութիւնները ունկնդրելէն ետք մեծ ուրախութեամբ իր ցանկութիւնն յայտներ է իրականացնել Բեթհովենի բոլոր սիմֆոնիաներու ձայնագրութիւններն ու տեսագրութիւնները, ինչն իսկապէս մեծ պատիւ է Հայաստանի եւ նուագախումբի համար։

Հայաստանի ազգային ֆիլհարմոնիկ նուագախումբի գեղարուեստական ղեկավար եւ գլխաւոր դիրիժոր Էդուարդ Թոփչեանն կընդգծէ՝ այս Հայաստանի երաժշտական պատմութեան մէջ աննախադէպ ձեռնարկ է։

Հայաստանի ազգային ֆիլհարմոնիկ նուագախումբի գեղարուեստական ղեկավար եւ գլխաւոր դիրիժորի խօսքով՝ «Ուխտագնացութիւն դէպի Բեթհովեն» փառատօնի նախապատրաստական աշխատանքները սկսած էին դեռեւս մեկուկէս տարի առաջ: Փառատօնին պէտք է մասնակցէին եւ Հայաստան ժամանէին բազմաթիւ ճանչցուած մենակատարներ եւ դիրիժորներ։ Սակայն այս պահին ամենաիրատեսական տարբերակը սիմֆոնիաներու ձայնագրութիւնն է։