Վարչապետ Նիկոլ Փաշինեանի գլխաւորութեամբ տեղի ունեցեր է հերթական խորհրդակցութիւնը՝ Հայաստանի կառավարութեան կողմէ Լիբանանի կառավարութեանն օժանդակութիւն ցուցաբերելու ուղղութեամբ իրականացուող աշխատանքներու վերաբերեալ:

Ինչպէս կը յայտնեն վարչապետի աշխատակազմէն, փոխվարչապետ Տիգրան Աւինեանը զեկուցեր է, որ առաջին թռիչքը պայմանաւորուած է այսօր երեկոեան՝ ժամը 21:00-ին, որու հիմնական նպատակն է առաջին հերթին դեղորայքային աջակցութիւն ցուցաբերելը: «Հաջորդ թռիչքը նախատեսուած է իրականացնել օգոստոսի 11-ին, եւս մէկ թռիչք կիրականացուի կրկին յաջորդ շաբթուայ ընթացքին: Ներկայիս կընթանան ապրանքներու հաւաքագրման գործընթացը: Կը կարծենք՝ առաջին թռիչքով կունենանք մինչեւ 12 տոննա բեռ, որը պէտք է տեղափոխուի Լիբանան»,- նշեր է Տիգրան Աւինեանը: