Արցախի ԱԳ նախարարութիւնը յայտարարութիւն տարածեր է Սեւրի պայմանագիրի 100-ամեակի առիթով:

Հայտարարութեան մէջ մասնաւորապէս, ըսուած է.

«100 տարի առաջ՝ 1920թ. օգոստոսի 10-ին, Փարիզի Սեւր արուարձանին մէջ կստորագրուի խաղաղութեան պայմանագիրը՝ մէկ կողմէ, որպէս գլխաւոր դաշնակից պետութիւններ, Բրիտանական կայսրութեան, Ֆրանսիայի, Իտալիայի եւ Ճապոնիայի, ինչպէս նաեւ անոնց դաշնակիցներ Հայաստանի, Բելգիայի, Հունաստանի, Հեջազի (ներկայիս՝ Սաուդեան Արաբիան), Լեհաստանի, Պորտուգալիայի, Ռումինիայի, Սերբա-Խորվաթա-Սլովենական պետութեան եւ Չեխոսլովակիայի, իսկ միւս կողմէ՝ Առաջին աշխարհամարտին պարտութիւն կրած Թուրքիոյ կողմէ: Պայմանագիրը կը փաստէր հայերու իրավատիրութիւնը Հայկական լեռնաշխարհի պատմական հայկական տարածքներու նկատմամբ։

Սեւրի պայմանագիրի Հայաստանին վերաբերող դրոյթները չեն իրականացած միջազգային եւ տարածաշրջանային  շարք մը քաղաքական գործընթացներու պատճառով։ Սակայն պայմանագիրը երբեւէ ուժը չէ կորսնցուցած եւ մինչեւ այսոր  կը մնայ արդիական»: