«Արմենպրես»-ի հաղորդմամբ ՀՀ կրթութեան, գիտութեան, մշակոյթի եւ սպորտի նախարարութիւնը կը տեղեկացնէ, որ 100 վիշապաքարերէն 18-ը տեղափոխուեր են իրենց նախնական տեղէն, որոնցմէ հինգը պատկերագրուած հատուածով տեղադրուած են ցեմենտի մէջ:  Հիշեալ օբյեկտներէն  չորսը կը գտնուի Արագածոտնի մարզին մէջ, մէկը՝ Երեւանի մէջ։

Նշուած վիշապաքարերէն 4-ի դիրքն արդեն ուղղուած է։

Օգոստոսի 11-ին Երեւանի օղակաձեւ զբոսայգիի մէջ մասնագետները ամփոփեցին վիշապաքարերու ուսումնասիրման ուղղութեամբ կատարուած աշխատանքները: Կը ներկայացուի նաեւ այգիի մէջ ուղղահայց տեղադրուած վիշապաքարը։ 

Վիշապաքարերը, ըլլալով Հայկական լեռնաշխարհի ամենաուշագրաւ հնութիւններէն մէկը, իրենց յայտնաբերման սկզբէն` 19-20-րդ դդ. սահմանին, արժանացան մեծ ուշադրութեան հետազոտողներու կողմէ: ՀՀ ԳԱԱ Հնագիտութեան եւ ազգագրութեան ինստիտուտը 2012 թ. սկսաւ գիտական համագործակցութիւն, որու հիմնական խնդիրն է հետազոտել վիշապաքար երեւոյթը ժամանակակից հնագիտութեան մեթոդներով: Ուսումնասիրութիւններու արդիւնքին  արշաւախումբը Հայաստանի Հանրապետութեան տարածքին տեղեկութիւններ փոխքնցած է մոտ 100 վիշապաքարերու մասին: Ընդ որում, անոնցմէ մէկ մասը նախկին ժամանակ անյայտ եղած են: