Տիգրանակերտի Չինար գաւառի մոտակայքին գտնուող ՅՈՒՆԵՍԿՕ-ի Համաշխարհային ժառանգութեան ժամանակաւոր ցանկին մէջ ներառուած եւ ներկայիս պեղումներու փուլին գտնուող 1800-ամեայ Զերզեւան ամրոցի մուտքը յայտնաբերուեր է: 

Շուրջ 60 ակր տարածք զբաղեցնող, 12-15 մ բարձրութեամբ եւ 1200 մետր երկարութեամբ պարիսպով շրջապատուած ամրոցը իր մէջ կը ներառէ 21 մետր բարձրութեամբ դիտակէտ եւ պաշտպանական աշտարակ, եկեղեցի, վարչական կառոյց, բնակարաններ, հացահատիկի եւ զէնքի պահեստներ, ստորգետնեայ պաշտամունքի սրահ, ապաստարան, ժայռափոր դամբարաններ, ջրանցքներ եւ 54 ջրամբարներ: Կատարուող պեղումներու շնորհիւ ամրոցը լոյս կը սփռէ պատմութեան վրայ:

Հռոմեական կայսրութեան ժամանակ որպէս  «ռազմական աւան» ծառայած Զերզեւանի ամրոցին մէջ արդեն  6 տարի է  կիրականացուին պեղումներ:

Ամրոցի պարիսպներուն մէջ այս տարի  պեղումներն սկսած են առաջին անգամ, որու արդիւնքին յայտնաբերեցին 1800-ամեայ ամրոցի մուտքը: Կը պարզուի, թէ ամրոցն ունի միայն մէկ մուտք եւ մէկ ելք: