Թուրքիոյ մայրաքաղաք Անկարայի Սինջան շրջանին մէջ գտնուող հայկական Սուրբ Փրկիչ եւ Ս. Քառասուն մանուկ եկեղեցիներուն պատկանող հայկական գերեզմանոցը աւիրուեր են. այս մասին գրած է Ermenihaber-ը:

Նախկին փոխվարչապետ Ալի Բաբաջանի կողմէ  հիմնադրուած «Ժողովրդավարութիւն եւ առաջընթաց» կուսակցութեան փոխնախագահ Մուսթաֆա Յեներօղլուն այս հարցի առիթով դիմեր է Անկարայի քաղաքապէտ Մանսուր Յաւաշին։

Ան յայտներ է, որ գերեզմանոցին մէջ աճիւնները դուրս հանած են գերեզմաններէն եւ ամենուր մարդկային ոսկորները ցիր ու ցան եղած են։

Յեներօղլուն շեշտեր է, որ այս ամոթալի վիճակ է եւ պէտք է անմիջապէս աճիւնները վերաթաղել եւ կարգի բերել գերեզմանոցը։

Անկարայի քաղաքապէտն ալ յայտներ է, որ իրենք կզբաղուին այդ հարցով։