Կարսի մէջ անտարբերութեան մատնուած հին պատմական տուները մէկ առ մէկ կոչնչանան։ Այդ մասին, ըստ Akunq.net-ի, կահազանգեն թուրքական լրատուամիջոցները։ Թուրքական լրահոսի մէջ չէ նշուած այդ տուներու՝ հայերուն պատկանած ըլլալու փաստը, այլ միայն կարձանագրուի, թէ Կարսը մայրաքաղաք եղեր է Բագրատունեաց արքայատոհմի իշխանութեան տարիներուն՝ առանց յիշատակուելու հայ անուանումը։

Թուրքական լրատուամիջոցները բնականաբար չեն յայտներ նաեւ, որ այդ տուները լքուեր են Հայերու դէմ կատարուած ցեղասպանութեան հետեւանքով, այլ կը նշեն, թէ «տերերն ուղղակի փակեր են դուռներն ու հեռացեր են»։

Հրապարակման մէջ կահազանգուի, թէ որեւէ միջոց չի ձեռնարկելու դէպքին այդ տուները լիովին կը քանդուին։ Կարսի կենտրոնին մէջ գտնուող տուներու մեծ մասի տանիքները փլած են, դուռներն ու պատուհանները՝ կտրուած, իսկ մէկ մասն ալ փոսեր  փորուած են գանձագողերու կողմէ։ 

Թուրքական լրատուամիջոցները նշած են նաեւ, որ տեղի բնակիչներն իրավասուներէն կը պահանջեն տէր կանգնիլ այդ պատմական տուներուն։