Հայաստանի Հանրապետութեան նախագահ Արմեն Սարգսեանը հեռախոսազրոյց  ունեցեր է Սինգապուրի Հանրապետութեան նախագահ Հալիմա Յակոբի հետ:

Սինգապուրի նախագահը շնորհակալութիւն յայտներ է նախագահ Սարգսեանին՝ Եւրասիական տնտեսական միութեան եւ Սինգապուրի միջեւ ազատ առեւուտրի համաձայնագիրը Հայաստանի կողմէ վավերացնելու համար: Հայաստանի նախագահն իր հերթին նշեր է, որ այն մեծ հնարաւորութիւններ կստեղծէ երկկողմ եւ բազմակողմ առեւտրատնտեսական յարաբերութիւններու զարգացման համար: Հեռախոսազրոյցի ընթացքին նախագահ Սարգսեանը Սինգապուրի նախագահին ներկայացուցեր է նախագահական ATOM (Advance TOMorrow) նախաձեռնութիւնը, որու հիմնական նպատակը բարձր տեխնոլոգիաներու եւ արհեստական բանականութեան ոլորտներուն մէջ Հայաստանը տարածաշրջանային հարթակ դարձնելն է: 

Անդրադառնալով փոքր եւ յաջողակ պետութիւններու ակումբ ստեղծելու իր նախաձեռնութեանը՝ նախագահ Սարգսեանը նշեր է, որ այդ ծրագիրը քննարկուեր է  շարք մը երկրներու ղեկավարներու հետ եւ արժանացեր է հաւանութեան: Նախաձեռնութեան նպատակը փոքր պետութիւններուն միաւորելն է. համագործակցութեան եւ երկխօսութեան այս շրջանակին մէջ փոքր երկիրները կը կարողանան փորձ ու գաղափարներ փոխանակել, մշակել ապագայի վերաբերեալ տեսլական եւ օգնել իրար։ Սինգապուրի նախագահը մեծ հետաքրքրութիւն  ցուցաբերեր է այս ակումբի ստեղծման գաղափարի նկատմամբ: