ilur.am-ը տարածած էր ՀՀ առաջին նախագահ Լեւոն Տէր-Պետրոսեանի կարճ անդրադարձը կրթական չափորոշիչներու շուրջ ընթացող բանավեճի վերաբերեալ, մասնաւորապէս՝ պատմագիտութեան հետ կապուած, որու մէջ նշուած է.

«Բանավեճէն տպաւորութիւն  ստեղծուած է, որ խորհրդային տարիներու գռեհիկ-մատերիալիստական պատմագիտութեանը Հայաստանի անկախութիւնէն ի վեր փոխարինելու կուգայ աւելի գաւառական, չափազանց վտանգաւոր, հայդատական պատմագիտութիւնը։ Նիկողայոս Ադոնցի, Հակոբ Մանանդեանի, Սուրեն Երեմեանի եւ Գագիկ Սարգսեանի նման հսկաներ ունեցող հայ պատմագիտութիւնը իրաւունք չունի իջնելու այս մակարդակին, որով, ըստ էութեան, մենք կը հաւասարուինք Ատրպէյճանի եւ Թուրքիայի պատմագիտութեանը։

Եթէ թուրքերն ու ատրպէյճանցիները պատմութիւնը կը կեղծեն, այդ չի նշանակեր, որ մենք եւս պէտք է կեղծիքներու դիմենք։

Չեմ ուզեր աւելի խիստ բառեր օգտագործել, բայց այս ոչ այլ ինչ է, քան ազգային խայտառակութիւն, ամենեւին ոչ վայել հիրավի փառահեղ պատմութիւն ունեցող հայ ժողովուրդի՝ հազվագիւտ ազգերէն մէկի համար, որ պետութիւնն ունեցերէ աւելի քան 2500 տարի առաջ եւ այսոր ալ պետութիւն ունի»:

168.am-ի հետ  զրոյցի ժամանակ ԵՊՀ Հայոց պատմութեան ամբիոնի վարիչ, պատմական գիտութիւններու դոկտոր, պրոֆեսոր Արտակ Մովսիսեանն այս առնչութեամբ մի քանի կարեւոր դիտարկում կատարած է.

«Լեւոն Տէր-Պետրոսեանը բանասիրական գիտութիւններու դոկտոր է, հին գրականութեան մասնագետ, եւ շատ լաւ կըլլար, որ խօսեր, ձայն բարձրացներ, երբ գրականութեան ծրագիրէն կը փորձէին հանել ամբողջ հայ հին գրականութիւնը՝ Խորենացի, Նարեկացի եւ այլն: Շատ լաւ կըլլար, որ մարդն իր մասնագիտութեան շրջանակին կարծիք յայտներ»:

1992 թուականին լոյս  տեսեր է Արտակ Մովսիսեանի «Հնագոյն պետութիւնը Հայաստանի մէջ․ Արատտա» աշխատութիւնը, որուն մէջ գիտականօրեն կապացուցուի դեռեւս Ք․ա․ 28-27-րդ դարերուն Հայաստանի մէջ ստեղծուած հնագոյն պետութեան փաստը, եւ  ոչ թէ աւելի քան 2500 տարուայ, այլ՝ շուրջ 5000:

Ամբողջական հոդուածը հասանելի է մեր կայքէն։