Արցախի Հանրապետութեան Նախագահ Արայիկ Հարութունեանի կողմէ Հանրապետութեան նախագահին առընթեր պետական պարգեւներու եւ պատուաւոր կոչումներու շնորհման հարցերու քննարկման խորհրդակցական յանձնաժողովի քննարկմանն ներկայացուեր է ԼՂՀ Գերագոյն խորհուրդի առաջին նախագահ Արթուր Մկրտչեանին յետմահու Արցախի Հանրապետութեան բարձրագոյն պետական կոչում (Արցախի հերոս) շնորհելու հարցը:

Այս մասին Նախագահ Հարութունեանը տեղեկացուցեր է ֆեյսբուքեան իր էջին կատարած գրառմամբ՝ նշելով, որ պետական եւ քաղաքական գործիչ Արթուր Մկրտչեանի՝ Հայրենիքին մատուցած բացառիկ ծառայութեան եւ թողած աւանդի մասին ինքը առիթ  ունեցած է խօսելու Ապրիլի 14-ին (http://bit.do/fHPHb )՝ նախքան քուեարկութիւն:

«Կը կարծեմ՝ մեր երիտասարդ պետականութեան կերտման գործին անոր կատարած աշխատանքն արժանի է ամենաբարձր գնահատականի եւ սերունդներու համար դաստիարակութեան լաւ օրինակ կարող է ծառայել»,- գրած է Հանրապետութեան Նախագահը: