Ուաշինգտոնը կը վերացնէ Կիպրոսին՝ սպառազինութեան վաճառքի աւելի քան երեք տասնամեակ գործած արգելքը։ Այս մասին անցած գիշեր յայտարարեր է ԱՄՆ պետքարտուղար Մայք Փոմփէոն՝ հաւելելով, որ Ուաշինգտոնը կը ցանկանայ անվտանգութոան ասպարեզի մէջ խորացնել համագործակցութիւնը Կիպրոսի հետ։

«Կիպրոսը Միջերկրական ծովի արեւելեան հատուածի մեր առանցքային գործընկեր պետութիւնն է: Գալիք ֆինանսական տարիին մէջ մենք կը վերացնենք Կիպրոսի Հանրապետութեանը պաշտպանական զինատեսակներու եւ ծառայութիւններու վաճառքի սահմանափակումները», – նշեր է ԱՄՆ պետքարտուղարը։

Կիպրոսին ամերիկեան սպառազինութեան վաճառքի սահմանափակումները կը գործէին 1987 թուականէն։ Անոնց կիրառումը նախաձեռնած Ռեյգանի վարչակազմը յոյս ուներ, որ այդ քայլը կը նպաստէ կղզիի խաղաղ վերամիաւորմանը։

Պաշտօնական Անկարան արդեն իսկ քննադատեր է ամերիկեան իշխանութիւններու որոշումը՝ կոչ ընելով Ուաշինգտոնին վերանայել այն։

«Էմբարգոյի վերացումը կարող է խախտել կղզիի մէջ հաստատուած ուժերու հավասարակշռութիւնը», – նշուած է Թուրքիոյ արտգործնախարարութեան յայտարարութեան մէջ։