Արցախի Հանրապետութոան նախագահ Արայիկ Հարութունեանը Սեպտեմբերի 4-ին ընդուներ է «Ղարաբաղ Տելեկոմ» ընկերութեան գլխաւոր տնօրեն Գարեգին Օդաբաշեանին:

Երկրի ղեկավարը հետաքրքրուեր է ընկերութեան կողմէ նոր ներդրումներու ընթացքով՝ նշելով, որ կապի եւ տեխնոլոգեաներու զարգացման գործին անոնք էական նշանակութիւն ունին: Հանրապետութեան նախագահի խօսքով՝ յատկապէս շարժական համացանցի արագութեան բարձրացումը, ինչպէս նաեւ սակագներու վերանայումը, մեծապէս պիտի փոխեն ոչ միայն հանրային տրամադրութիւնները, այլեւ իրենց դրական ազդեցութիւնն կը թողնեն Արցախի ներդրումային դաշտի գրաւչութեան վրայ:

Գլխաւոր տնօրենը տեղեկացուցեր է, որ բարձր արագութեամբ 3G կապն արդեն իսկ հասանելի է մայրաքաղաքի եւ Շուշիի մէջ, առաջիկայ օրերուն ալ հասանելի կը դառնայ մնացած խոշոր բնակավայրերուն մէջ: 

Մինչեւ 2022թ.-ը էականօրեն կը նուազի մատուցուող ծառայութիւններու սակագները. արդեն Հունուարի 1-էն կըլլայ առաջին շոշափելի վերանայումը: